Тошкент шаҳрида Malibu автомашинаси тезликни ошириши оқибатида қаҳвахонага урилиб, ағдарилиб кетди. Бу ҳақда пойтахт Йўл ҳаракати хавфсизлиги бошқармаси хабар берди.
Маълум қилинишича, жорий йилнинг 2 июль куни соат 05:40 ларда Тошкент шаҳар Яккасарой тумани Шота Руставели кўчасида Malibu русумли транспорт воситаси ҳайдовчиси катта тезликда ҳаракатланиб келаётиб, руль бошқарувини йўқотган. Оқибатда автотранспорт воситаси йўл четидаги қаҳвахонага урулиб, йўл-транспорт ҳодисасини содир этган.
Билдирилишича, ҳозирда мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
