Москва метросида провокацион видеолар суратга олиб, уларни ижтимоий тармоқларда эълон қилиб келган ўзбекистонлик блогер полиция ходимлари томонидан қўлга олинди. Бу ҳақда Россия Ички ишлар вазирлигининг расмий вакили Ирина Волк маълум қилди.
“Бу ерда бундай қилиш мумкин эмаслигини билмагандим. Илтимос, мени кечиринг”, дейди блогер ИИВ томонидан эълон қилинган видеодаги сўроқ пайтида.
Россия ИИВ матбуот хизматининг маълумотларига кўра, у Москвага айнан контент учун атайлаб борган. У метро йўловчиларини атайлаб жанжалга ундаган, уларнинг бунга бўлган реакциясини видеога олган ва кейинчалик ушбу роликларни интернетга жойлаштирган.
Қайд этилишича, блогер Россияни тарк этишга уринаётган вақтда аэропортда қўлга олинган. Полиция ходимлари томонидан текширув ҳаракатлари олиб борилмоқда, унинг якунлари бўйича процессуал қарор қабул қилинади.
