Бугун, 28 март куни ижтимоий тармоқларда “Пахтакор” метро бекатида поездлар тўқнашиб кетгани ва оқибатда йўловчилар 30 дақиқага яқин қолиб кетгани ҳақида хабарлар тарқалди. Ҳолат юзасидан “Тошкент метрополитени” расмий баёнот берди.
Қайд этилишича, соат 11:49 да “Халқлар дўстлиги” метро бекатига кириб келган 1984 йилда ишлаб чиқарилган 15-сонли поездда қисқа муддатли техник носозлик аниқланган.
Мазкур ҳолат юзага келиши билан ҳаракат таркиби машинисти зудлик билан поезд нозимига тегишли тартибда ахборот берилган.
Вазият тезкор равишда назоратга олиниб, йўловчилар хавфсизлигини таъминлаш мақсадида улар бекатда туширилган ҳамда ҳаракат таркиби техник кўрик йўлагига олиб чиқилган.
“Юзага келган вақтинчалик ноқулайликлар учун йўловчилардан узр сўраймиз”, дейилади баёнотда.
Қолаверса, баёнотда поездлар тўқнашиб кетгани ва йўловчилар қанча вақт давомида қолиб кетгани ҳақида расмий маълумотот берилмаган.
