Бугун, 19 февраль куни Рақобат қўмитаси ижтимоий тармоқдаги саҳифасида букмекерлик хизматларини реклама қилган блогерларни аниқлади.
Текширувлар давомида бир неча юз минглаб кузатувчига эга блогерлар ўз саҳифаларида букмекерлик хизматларини реклама қилгани маьлум бўлган. Хусусан, бундай ҳолатлар блогерлар Ф. Ширинбоева ҳамда Д. Бахтиозин саҳифаларида кузатилган. Улар ижтимоий тармоқларда қимор ўйинларини тарғиб қилувчи саҳна кўринишлари асосида видеолар тайёрлаган.
Мазкур қонунбузарликлар бўйича блогерлар маъмурий жавобгарликка тортилган ва иш ҳужжатлари судга юборилган.
Маълумот учун, “Реклама тўғрисида”ги қонунга кўра, Ўзбекистон ҳудудида қимор ўйинлари ва таваккалчиликка асосланган ўйинларни реклама қилиш тақиқланади. Бундай реклама учун жавобгарлик белгиланган.
