Starlink V3 йўлдошларига анча узунроқ бўлган икки қуёш батареяси ўрнатилган. Марказий йўлдош платформаси ҳам каттароқ бўлиб, эҳтимол, такомиллаштирилган фазали антенна тўрларини ўз ичига олади — бу биринчи бор сунъий йўлдош интернети учун гигабит тезликни таъминлаш имконини беради.
Янги авлод йўлдошларининг катталашган ўлчамлари SpaceX учун кўп марта фойдаланиладиган Starship кемасини фойдаланиш босқичига етказиш қанчалик муҳимлигини кўрсатади. Чунки Falcon 9 ракетаcининг бош қисми ўлчамлари Starlink V3 йўлдошларини оммавий равишда орбитага чиқаришга имкон бермайди — уларни фақат Starship орқали жойлаш мумкин бўлади. Компаниянинг илгариги расмий ҳужжатларидан бирида таъкидланишича, ҳар бир V3 йўлдошининг оғирлиги 2000 кг гача етиши мумкин, ҳозирдаги оптималлаштирилган V2 Mini моделлари эса тахминан 575 кг атрофида.
