Марказий банк маълумотларига кўра, Ўзбекистоннинг олтин-валюта захиралари 2025 йил 1 декабрь ҳолатига кўра 61,23 миллиард долларга етди.
Бу 2013-йилдан бери энг юқори кўрсаткичдир. Ноябрь ойида захиралар яна 1,9 миллиард долларга ўсди, йил бошидан эса улар 20 миллиард долларга ошди. Бу, аввало, олтин нархи ва ҳажмининг ортиши билан боғланмоқда.
Олтиннинг физик ҳажми кетма-кет иккинчи ой ошди. Ноябрда у 310 минг троя унсияга (9,64 тонна) ошиб, 12,23 миллион унсияга (380,4 тонна) етди. Шунга қарамай, йил бошидан бери олтин захиралари тахминан 2,1 тоннага камайди.
Олтин захираларининг қиймати 3 миллиард долларга ошиб, тарихий юқори қиймат — 50,86 миллиард долларга етди.
Захираларнинг валюта қисми эса 1,1 миллиард долларга камайиб, 9,8 миллиард долларни ташкил этди.
Қимматли қоғозлар ҳажми аввалги ойга нисбатан 503,3 миллион долларга кўпайиб, 1,53 миллиард долларни ташкил этди.
