Россиялик фазогир Олег Артемев Қўшма Штатларда ўтаётган тайёргарлик вақти “махфий техник материаллар билан ноўрин муомала қилиш”да айбланяпти. Мазкур даъво сабаб у SpaceX компаниясининг бўлажак миссиясидан четлаштирилди. Бу ҳақда Тре Insider хабар берди.
Нашрга кўра, Артемев SpaceX компаниясининг Калифорния штатидаги ўқув марказида махфий ҳужжатларни суратга олиб, бинодан яширинча олиб чиқишда гумонланяпти. Космик саноат таҳлилчиси Георгий Тришкин Тре Insider нашрига изоҳ бериб, Артемев устидан идоралараро тергов бошланганини тасдиқлаган.
“Бундай тажрибага эга фазогирнинг шу каби жиддий хатога билмай қўл уриб қўйишини тасаввур қилиш қийин”, деган Георгий Тришкин.
Космик соҳага ихтисослашган “Юра Прости” Telegram канал ҳам мавзуга тўхталиб, россиялик фазогир ўтган ҳафта миссиядан расман четлаштирилгани ҳақида ёзди. Шунингдек, блог муаллифи Артемев SpaceX двигательлари ва бошқа материалларни рухсациз суратга олганини билдирди.
Воқеадан сўнг Россия космик агентлиги “Роскосмос” Артемевнинг ўрнига Андрей Федяевни тайинлади. Федяев ҳам тажрибали фазогирлардан. У 2023-йили Crew-6 миссияси билан бирга парвоз қилган. Агентлик ўз баёнотида Артемевнинг “бошқа ишга ўтказилгани” ҳақида ёзган. Бироқ тергов ва айбловлар ҳақида бирор изоҳ берилмаган.
