Бразилия давлатидан 1,96 млрд сўм эвазига келтирилган АИК аппарати Республика шошилинч тиббий ёрдам марказининг Қашқадарё филиалига ўрнатилди.
Хабарда айтилишича, сунъий қон айланиш аппарати қон-томир жарроҳлик амалиётларини юқори даражада бажариш, оғир аҳволдаги беморларни тезкор реанимация қилиш ва юқори технологик тиббий ёрдам сифатини ошириш имконини беради.
Янги АИК аппаратини харид қилиш учун “Ташаббусли бюджет” лойиҳасининг 2024 йил 2-мавсуми доирасида 1 млрд 360 млн сўм ажратилган. Шунингдек, вилоят ҳокими кўмагида 2025 йил бошидаги маҳаллий бюджетнинг эркин қолдиқ маблағларидан қўшимча 600 млн сўм йўналтирилган.
Жами 1 млрд 960 млн сўм маблағ эвазига Бразилия давлатидан сотиб олинган замонавий АИК аппарати бугунги кунда филиалда ишга туширилган.
