Ўзбекистонда аёллар ўртасида илк марта карате WKF бўйича жаҳон чемпиони бўлган Гулшан Алимардонова Президент совғаси сифатида автомобиль билан тақдирланади. Бу ҳақда ЎзА хабар берди.
Гулшан Алимардонова жорий йилнинг 30 ноябрь куни Миср пойтахти Қоҳирада ўтказилаётган карате бўйича Жаҳон чемпионатида -50 кг вазн тоифасида жаҳон биринчилиги унвонини қўлга киритган ва шу тариқа жаҳон чемпионига айланган биринчи ўзбекистонлик аёл каратечига айланган эди.
Шу пайтга қадар фақат Достонбек Отаболаев жаҳон чемпионлигига эришган ва Ўзбекистоннинг карате бўйича биринчи жаҳон чемпиони сифатида тарихга кирган эди. Гулшан Алимардонованинг Қоҳирада бўлиб ўтган Жаҳон чемпионатидаги олтин медали бу спортчилар сонини 2 тага етишига сабаб бўлди.
