Тошкент вилояти ва шаҳрида ўтказилган экорейдларда атмосферани ифлослантирган корхоналарга 250 миллион сўмдан ортиқ жарима қўлланди. Бу ҳақда Экология ва иқлим ўзгаришлари миллий қўмитаси хабар қилди.
Қайд этилишича, рейдлар шаҳар ва Қибрай, Зангиота, Юқори Чирчиқ, Янгийўл, Тошкент туманларида ўтказилган бўлиб, 1157 та объектнинг атмосфера ҳавосини муҳофаза қилишга оид қонунчилик талабларига қай даражада риоя қилаётгани ўрганилган.
Бунда 25–28 ноябрь кунлари ўтказилган ўрганишлар натижасида 464 та ҳуқуқбузарлик ҳолати аниқланди ва улар бўйича 250 миллион сўмдан ортиқ жарима қўлланди.
Атроф-муҳитга салбий таъсир кўрсатган ва қонун талабларини бузган Тошкент вилоятида 50 та, шаҳарда 9 та, жами 59 та объектнинг фаолияти 10 иш кунига тўхтатиб қўйилган. Шунингдек, 15 та иссиқхонага филтр ўрнатилган.
Бугун, 28 ноябрь куни ўтказилган текширувларда ҳам 102 та ҳуқуқбузарлик аниқланиб, 2 та корхона фаолияти вақтинча чекланган.
