Хитойлик тадбиркор ва муҳандис Чжан Сюэ махсус қайта ишланган ZХМОТО МХ450 мотоциклида сув устида 40,74 километр масофани босиб ўтди ҳамда Гиннеснинг янги рекордини ўрнатди.
Рекорд 25 октябрь куни Ҳунан провинциясидаги СзинСзян дарёсида қайд этилди. Аввалги кўрсаткич қарийб 31,8 километрни ташкил этган эди. Янги рекорд эса ушбу масофани деярли 9 километрга узайтирди.
Пойга учун МХ450 мотоцикли махсус сув чанғилари, кенгайтирилган ёнилғи баки ва қўшимча гидроизоляция билан жиҳозланди. мотоцикл дастлаб қуруқликда ҳаракатланишни бошлади, сўнгра сув устида сирпанишни бошлади.
Олдиндаги чанғи ҳаракат йўналишини бошқаришга ёрдам берди. Алоҳида конструкцияга эга шина билан жиҳозланган орқа ғилдирак эса сувни орқага отиб, тортиш кучини ҳосил қилди. Одатдаги гидроциклдан фарқли ўлароқ, ушбу техника алоҳида сув отиш двигателига эга эмас.
Чжан Сюэ бу рекорд сари 17 йил давомида интилиб келган. У 2009 йилда илк бор оддий ўзгартиришлар киритилган мотоциклда сув ҳавзасини кесиб ўтишга уриниб кўрган. Бироқ унинг ҳаракатлари тўрт марта сувга йиқилиш билан якунланган. Сюэ ўша пайтда бор-йўғи 20 метр сирпана олганди.
