АҚШнинг Кентукки штатида UPS компаниясига тегишли MD-11 юк самолёти қулаб тушди ва оқибатда 7 киши вафот этди. Бу ҳақда Кентукки губернатори Энди Бешир ўзининг Х саҳифасида маълум қилди.
More stories“Ҳалок бўлганлар сони камида 7 кишига етди ва бу рақам яна ошиши мумкин. Ҳодиса жойида ёнғин ўчирувчилар ва қутқарув хизматлари ишламоқда, улар ёнғинни тўлиқ ўчириш ва терговни давом эттиришга ҳаракат қилмоқда”, дея ёзган губернатор.
Юк самолёти Муҳаммад Али номидаги аэропорт яқинида, Луисвилл шаҳри ҳудудида қулаган. “FlightRadar24” маълумотига кўра, самолёт ҳавога кўтарилганидан кўп ўтмай, Луисвиллдан Гонолулуга парвоз вақтида авария содир бўлган. Бортда уч нафар экипаж аъзоси бўлган.
Ҳалокатдан кейин ёнғин катта майдонни қамраб олган. Маҳаллий ҳокимият Греяд-Лейн йўлини ёпган ва 8 километр радиусдаги аҳолини эвакуация qilgan. ОАВ вертолётдан олинган WLKY тасвирларига таянган ҳолда, кучли ёнғинга самолёт тўлиқ ёқилғи билан парвозга чиққани сабаб бўлган бўлиши мумкинлигини тахмин қилган. Расмий сабаб ҳали аниқланмаган.
Самолёт Гонолулу шаҳридаги Дэниел Иноуэ халқаро аэропортига йўлга чиққан эди. Дастлаб камида уч киши ҳалок бўлгани ва 11 киши жароҳат олгани айтилган.
Маълумот учун, McDonnell Douglas MD-11 – юк ташиш учун мўлжалланган самолёт бўлиб, дастлаб McDonnell Douglas томонидан ишлаб чиқарилган, кейинчалик Boeing’га ўтган. Бу модель FedEx Express, Lufthansa Cargo ва UPS Airlines каби йирик компаниялар томонидан юк ташишда кенг қўлланади.
