АҚШ президенти Дональд Трамп яна бир бор Россияни Украина можаросини якунлашни истамаётганликда айблади. У бу ҳақда Оқ уйда журналистлар билан суҳбатда маълум қилди, дея хабар бермоқда Fox телеканали.
“Асосий тортишув шундаки, улар ҳозирча тўхташни истамаяптилар”, — деди Америка раҳбари Россия президенти Владимир Путин ўртасидаги янги учрашув нима сабабдан ҳалигача ўтмаганига оид саволга жавоб бераркан.
3 ноябрь куни Трамп Путиннинг Украина можаросини тугатишга тайёр эмаслигига ишонч ҳосил қилиши учун “сўнгги томчи”ни кўрмаётганини айтди.
Октябрь ойида АҚШ президенти Россия билан урушда Украинанинг ғалаба қозонишига ишонмаслигини, бироқ бу назарий жиҳатдан мумкинлигини айтганди.
14 октябрь куни Оқ уй раҳбари Россия президентининг можарони тўхтатишни хоҳламаслиги ҳақида гапирган эди.
