АҚШ Венесуэладаги элчихонаси фаолиятини қайтадан тиклайди. Бу ҳақда, бугун 31 март куни АҚШ Давлат департаменти хабар берди.
Американинг Венесуэладаги элчихонаси 2019 йилнинг март ойидан буён фаолият юритмаётган эди. АҚШ Давлат департаментининг хабар беришича, Қўшма Штатлар учун муваққат прездидент Делси Родригес ҳукумати билан яқиндан ҳамкорлик қилиши АҚШ–Венесуэла муносабатларида муҳим қадам бўлган.
Икки давлат ўртасида ўн йиллар давомида кучайиб борган адоватлар АҚШ–Венесуэла дипломатик муносабатларнинг узилишига олиб келган. АҚШ Венесуэладаги сўнгги элчисини 2010 йилда мамлакатга чақириб олган.
Жорий йил январда ағдарилган Прездидент Николас Мадуро 2018 йилда АҚШ Прездидентининг Венесуэладаги махсус вакилини мамлакат ҳудудидан чиқариб юборган. Келгуси йилда эса бу АҚШ ҳукуматининг Венесуэладан барча дипломатларини олиб кетишига сабаб бўлган. Шу сабабли Американинг Венесуэладаги элчихонаси 2019 йилнинг март ойидан буён фаолият юритмаётган эди. Ўшандан буён Америка томони Венесуэлада бўйича барча амалиётларни Колумбиядаги элчихонасидан туриб амалга ошириб келган.
Бугун, 31 март куни АҚШ Давлат департаменти Лаура Догуни АҚШ Прездидентининг Венесуэладаги махсус вакили этиб тайинланган.
“Бугун биз АҚШнинг Каракасдаги элчихонаси фаолиятини расман қайта бошлаймиз, бу эса Венесуэладаги дипломатик фаолиятимизнинг янги саҳифасини очади”, дейди Догу.
Вашингтон ва Венесуэланинг янги ҳукумати
Жорий йил бошида АҚШ Венесуэлада ҳарбий операция ўтказди. Мамлакат президенти Николас Мадуро 3 январь куни Каракасда Америка махсус кучлари томонидан қўлга олинди ва АҚШга олиб кетилди. Шундан сўнг, президент вазифасини илгари вице-президент лавозимида ишлаган Делси Родригес бажара бошлади. У Вашингтон босими остида сиёсий маҳбусларни қамоқхоналардан озод қилишга киришди. Родригес, шунингдек, фойдали қазилмалар тўғрисидаги қонунларни ўзгартириб, Венесуэланинг нефть секторини хорижий инвестициялар учун очиб берди. 24 февраль куни Трамп АҚШ ўзининг «янги дўсти ва ҳамкори» Венесуэладан тахминан 89 миллион баррель нефть олганини эълон қилди.
27 февраль куни Родригес Трампни ўз мамлакатига қўйилган санкцияларни бекор қилишга ва Венесуэла нефти блокадасини тўхтатишга чақирди. У Мадуро ағдарилганига қарамай, мамлакатларни бир-бирига «дўстона» деб ҳисоблашини таъкидлади. Унинг сўзларига кўра, Каракасдаги ҳукумат Вашингтон билан «ҳамкорликнинг янги кун тартибини очишга» интилмоқда.
АҚШ Давлат департаменти 5 март куни Венесуэланинг муваққат ҳокимияти билан дипломатик муносабатларни тиклаш бўйича келишувга эришилганини эълон қилди. Марко Рубио бошчилигидаги идора Қўшма Штатлар Венесуэла халқига «тинч йўл билан демократик сайланган ҳукуматга ўтиш учун шароит яратувчи босқичма-босқич жараён» доирасида ёрдам беришда давом этишига ваъда берди.
