Уруш туфайли ҳаво ҳудуди ёпилган Дубай халқаро аэропортидан Тошкентга илк техник парвоз амалга оширилди. Самолёт Centrum Air авиакомпаниясига тегишли бўлиб, Дубай—Тошкент йўналишидаги C6358 рейси йўловчиларсиз учирилди.
Авиакомпания матбуот хизматининг хабар қилишича, ҳозирги вақтда Дубай аэропорти йўловчиларни олиб чиқиш учун рейсларни амалга оширишга рухсат бермади. Рухсат фақат ҳаво кемаларининг техник парвозларини амалга ошириш учун тақдим этилган.
“Centrum Air авиакомпанияси вазият ривожини диққат билан кузатиб бормоқда. Расмий рухсат олиниши билан дарҳол авиакомпания йўловчиларни олиб кетиш учун қўшимча рейсларни ташкил этади ва йўловчиларни расмий каналлар орқали хабардор қилади”, дейилади авиакомпания хабарида.
