HBO канали премераси 2026 йилнинг Рождество байрамида бўлиб ўтиши режалаштирилган “Гарри Поттер” сериалининг иккинчи тизер-трейлерини эълон қилди.
Янги роликда “Гарри Поттер ва ҳикматлар тоши” китобининг барча асосий воқеалари акс этган. Афсунгарлик мактабига Хогварц-экспресс махсус поездида йўл олиш, факультетларга тақсимланиш маросими ҳамда квиддич ўйини ва тролл билан бўлган жанг тасвирланган.
Сериалда бош қаҳрамон — Гарри Поттер ролини Доминик Маклафлин ижро этади. Унинг содиқ дўстлари Рон ва Гермиона образларини эса Аластар Стаут ва Арабелла Стентон гавдалантиради. Китоб номи билан бир хил аталган биринчи фасл саккиз қисмдан иборат. Лойиҳа HBO канали ҳамда HBO Мах стриминг платформаси орқали томошабинларга тақдим этилади.
Маълум қилинишича, сериалнинг иккинчи фасли устидаги ишлар аллақачон бошлаб юборилган бўлиб, суратга олиш жараёнлари жорий йилнинг куз ойларида старт олади.
