Кеча, 2 сентябрь куни Тошкент вилоятининг Оҳангарон туманида Lacetti катта тезликда Isuzu русумли автобус билан тўқнашди. Бу ҳақда вилоят Йўл ҳаракати хавфсизлиги бошқармаси хабар берди.
Қайд этилишича, соат таҳминан 18:30 ларда Тошкент вилояти Оҳангарон тумани ҳудудидан ўтган А373 “Тошкент-Ўш” автомобиль йўлининг 75-километрида 1964 йилда туғилган ҳайдовчи Isuzu русумли автобус билан йўлдан қайрилиб олаётган вақтида қарама-қарши йўналишдан келаётган 1997 йилда туғилган ҳайдовчи бошқарувидаги Lacetti русумли автомобиль билан тўқнашиб, йўл-транспорт ҳодисаси содир этган.
Ҳодиса оқибатида Lacetti русумли автомобиль ҳайдовчисига ҳамда автобусда бўлган 2 нафар йўловчига биринчи тиббий ёрдам кўрсатиш мақсадида шифохонага олиб кетилган.
Ҳозирда ҳолат юзасидан Оҳангарон тумани ИИБ томонидан суриштирув ҳаракатлари олиб борилмоқда.
