More stories
Microsoft компанияси асосчиси Билл Гейтс 2034 йилга бориб одамлар ҳафтада атиги икки кун ишлашини тахмин қилди. Бу ҳақда “as.com” хабар берди.
Миллиардернинг сўзларига кўра, кўпчилик касблар нейрон тармоқлар томонидан бошқарилади ва одамлар ўшанда тўлиқ иш вақтига муҳтож бўлмайди.
Билл Гейтснинг фикрича, сунъий интеллект кўплаб глобал муаммоларни, жумладан, тиббиёт ходимлари ва руҳий саломатлик бўйича мутахассисларнинг етишмаслигини ҳал қила олади. Бу муқаррар равишда меҳнат бозорини ўзгартиради.
Унинг айтишича, жараёнларни автоматлаштириш инсониятга шахсий ҳаёт ва ижод учун кўпроқ вақт тақдим қилади. Шунингдек, у сунъий интеллектни жорий қилувчи компаниялар ходимларига энди офисга мунтазам ташриф буюришлари шарт бўлмаслигини айтган.
