Кеча, 2 июнь куни Ўзбекистон Президенти Администрацияси раҳбари Саида Мирзиёева Европада хавфсизлик ва ҳамкорлик ташкилоти (ЕХҲТ) бош котиби Феридун Синирлиўғли билан учрашди. Бу ҳақда у ўзининг Telegram-каналида маълум қилди.
Маълум қилинишича, Феридун Синирлиўғли Ўзбекистонга яқинда амалга оширган ташрифи ҳамда Президент Шавкат Мирзиёев билан бўлиб ўтган учрашувини илиқлик билан ёдга олган. Шунингдек, у ЕХҲТ Ўзбекистоннинг ташаббусларини қўллаб-қувватлашга тайёр эканини таъкидлаган.
Суҳбат чоғида трансмиллий таҳдидларга қарши курашиш, рақамли технологиялар ва сунъий интеллект, ёшлар манфаатларини ҳимоя қилиш, гендер тенглиги ҳамда суд-ҳуқуқ ислоҳотлари каби муҳим йўналишлардаги ҳамкорлик истиқболлари муҳокама қилинган.
