Хорватияда XV ёки XVI асрларга оид топилган жасаднинг ташқи кўриниши қайта тикланди. Бу ҳақда “Euronews” хабар берди.
Хорватиянинг Загреб шаҳридаги Рачеза қалъасида XV ёки XVI асрларга оид жасад топилган. Бу пойтахтдан 110 километр жануби-шарқда жойлашган қалъа ичида топилган 180 дан ортиқ дафн маросимларидаги одамлардан бири бўлган. Жароҳатлар сони ва оғирлигига қараб, эркак ҳаётда аскар ёки шунчаки шафқатсиз жангларга ўрганиб қолган “вампир” бўлгани тахмин қилинган.
Тадқиқотчиларнинг фикрига кўра, эркакнинг қолдиқлари унинг ўлимдан тирилишига йўл қўймаслик учун атайлаб таҳқирланган. Эркакнинг боши танасидан ажратилгани мутахассисларнинг эътиборини тортган. Археолог Натаса Саркичнинг сўзларига кўра, эркакнинг боши эҳтиёткорлик билан кесилмасдан, том маънода танасидан узиб ташланган.
Унинг юзини тиклаш учун компьютер графикаси бўйича мутахассис Тситсерон Мораэс замонавий рақамли технологиялардан фойдаланган. Аввалига мутахассислар компьютер томографияси маълумотлари асосида унинг бош суягини виртуал равишда реконструкция қилган.
Биоархеологик таҳлил бу одамни тез-тез зўравонлик можароларида қатнашганини ва ўзи ҳам зўравонлик билан ўлганини аниқлашган. У ҳаёти давомида камида 3 та жиддий шахслараро зўравонлик ҳолатини бошдан кечирган. Айнан ушбу ҳужумлар уни жирканчлик жароҳатларга олиб келган.
“У зўравонлик билан ўлган. Ҳаётда тажовузкорона ҳаракат қилган ёки гуноҳкор, ижтимоий жиҳатдан оғишган шахслар деб ҳисобланган одамлар вампирга айланиши мумкинлигига ишонишган. Эҳтимол, улар бошқалар билан муносабатларида доимий зўравонлик билан ажралиб турадиган, бузилган юзлари ва маргинал турмуш тарзи туфайли “вампирлар” ёки ғайритабиий мавжудотлар деб ҳисобланган. Бундай мавжудотлар тирикларга зарар етказиш, касалликларни тарқатиш, одамлар ва чорва молларини ўлдиришга қодир деб ҳисобланган”, деб айтган Доктор Саркич ўз хулосаларидан келиб чиққан ҳолда.
