Бугун, 2 октябрь куни Япониянинг Аичи-Нагоя шаҳарларида ўтказилаётган Осиё ўйинларининг бокс баҳсларида ўзбекистон вакили Абдумалик Халоков рингга кўтарилди. У финалда жанубий кореялик рақибига имкон қолдирмади ва чемпионликни қўлга киритди.
60 килограмм вазн тоифасида финал баҳсида Абдумалик Халоков Жанубий Корея спортчиси Донгҳван Жангга қарши рингга кўтарилди. Муҳим ва муросасиз кечган финал жангининг якунига кўра, Абдумалик Халоков кореялик рақибини мағлуб этиб, Осиё ўйинларининг олтин медалини қўлга киритди. Шу тариқа, Халоков Ўзбекистон делегацияси хазинасига навбатдаги олтин медални қўшди.
Маълумот учун, ҳозирда Осиё ўйинларида Ўзбекистон делегацияси ғазнасида 18 та олтин, 21 та кумуш ва 22 та бронза медаль бор. Ушбу натижа рейтингда 4-ҳисобланади. Ўзбекистондан юқорида Жанубий Корея, Япония ва Хитой ўрин олган.
