Андижонда 4 нафар эгизак — уч нафари ўғил ва бир қизалоқ дунёга келди. Бу ҳақда Соғлиқни сақлаш вазирлиги хабар берди.
Республика ихтисослаштирилган она ва бола саломатлиги илмий-амалий тиббиёт маркази Андижон вилояти филиалида туғилган чақалоқларнинг онаси Андижон шаҳридаги “Ғайрат” маҳалла фуқаролар йиғинида истиқомат қилувчи Одинахон Муҳаммаджонова бўлиб, муддатидан илгари туғуруқ ташхиси билан кесарча кесиш амалиёти бажарилган. Туғуруқ жараёни филиалнинг малакали акушер-гинеколог, неонатолог ва реаниматологлари томонидан муваффақиятли ўтказилди.
- Биринчи чақалоқ — ўғил, вазни 2415 гр, бўйи 44 см.
- Иккинчи чақалоқ — ўғил, вазни 1730 гр, бўйи 37 см.
- Учинчи чақалоқ — ўғил, вазни 2405 гр, бўйи 44 см.
- Тўртинчи чақалоқ — қиз, вазни 1885 гр, бўйи 39 см.
Қайд этилишича, айни пайтда она ва чақалоқлар аҳволи яхши, улар шифокорлар назоратида.
