Аввалроқ, Исроил оммавий ахборот воситалари Эрон Олий раҳнамоси Оятуллоҳ Али Хоманаий Исроил ва АҚШнинг мамлакатга уюштирган ҳужуми оқибатида гўёки ҳалок бўлгани ҳақида хабар тарқатган эди. Бироқ Эрон томони бу маълумотни рад этди. Бу ҳақда республика Ташқи ишлар вазирлиги раҳбари Аббос Ароқчи NBC телеканалига берган интервьюсида сўз очди.
У Эрон Олий раҳнамоси Али Хоманаий ва мамлакат Президенти Масъуд Пезешкиён тирик эканини маълум қилган.
“Менинг билишимча, ҳа, улар тирик”, дейди у.
Эслатиб ўтамиз, аввалроқ Али Хоманаийнинг Теҳрондаги қароргоҳи бутунлай вайрон қилингани ҳақида хабар берилган эди. Airbus Defence and Space компанияси томонидан тақдим этилган аэрофотосуратлар эълон қилинди. NYT маълумотларига кўра, объект Исроил ҳарбий-ҳаво кучларининг зарбалари оқибатида вайрон бўлган. ОАВ маълумотларига кўра, Хоманаийнинг ўзи аввалроқ хавфсиз жойга олиб чиқилган.
