Исроил ҳарбий ҳаво кучлари Эроннинг Минаб шаҳрида жойлашган қизлар бошланғич мактабига зарба берди. Давлат оммавий ахборот воситалари хабарига кўра, ҳужум оқибатида 1-6 синф оралиғидаги камида 57 нафар ўқувчи ҳалок бўлган. Таълим муассасаси АҚШ ва Исроил томонидан мамлакатга берилган зарбаларнинг биринчи тўлқинида нишонга олинган.
Эроннинг IRNA давлат ахборот агентлигига кўра, воқеа жойида қидирув-қутқарув ва вайроналарни тозалаш ишлари давом этмоқда. Ҳужумга мамлакат ташқи ишлар вазири Аббос Ароқчи ҳам муносабат билдирди. У зарба оқибатлари акс этган кадрларни
Эрон Ташқи ишлар вазирлиги матбуот котиби Эсмоил Бақоэий ҳам ҳужумни “очиқ жиноят” деб атаб, БМТ Хавфсизлик кенгашини чоралар кўришга чақирди.
Ал-Жазира телеканалининг Теҳрондаги мухбири Муҳаммад Валлга кўра, таълум муассасасига ҳужум АҚШ ва Исроилнинг “фақат ҳарбий объектлар нишонга олинаётгани” ҳақидаги даъволарини шубҳа остига қўяди.
“Президент Трамп Эрон халқига ёрдам келишини ваъда қилган эди. Аммо ҳозир биз тинч аҳоли қурбон бўлаётганини кўряпмиз. Эрон ҳукумати буни халқаро ҳуқуқ бузилиши ва Эрон халқига қарши тажовуз сифатида баҳолайди”, деди Валл.
Бу Дональд Трамп ўзининг иккинчи президентлик муддатига киришган 2025 йил 20 январидан буён Эронга қарши иккинчи йирик ҳужум кампанияси ҳисобланади. Аввалроқ Қўшма Штатлар ўтган йилнинг июнь ойида мамлакат ядровий объектларига зарба бериб, Эрон ядровий дастури бутунлай йўқ қилинганини таъкидлаган эди.
