Ўзбекистонда 23 декабрь куни олтин қуймалар нархи аввалги рекордни яна бир бор янгилади.
Марказий банк маълумотларига кўра, олтин қуймалар нархи қуйидагича белгиланди:
- 5 грамм — 8 млн 868 минг сўм;
- 10 грамм — 17 млн 736 минг сўм;
- 20 грамм — 35 млн 472 минг сўм;
- 50 грамм — 88 млн 679 минг сўм;
- 100 грамм — 177 млн 358 минг сўм.
Жаҳон бозорида ҳам олтин нархи юқори ўсишни қайд этди. 22 декабрда олтин нархи тарихда илк бор бир унсия учун 4 400 доллардан ошди. Бунга АҚШда фоиз ставкалари яна пасайтирилиши мумкинлиги ҳақидаги кутилмалар ва инвесторларнинг хавфсиз активларга бўлган талаби кучайгани сабаб бўлди.
17 октябрь куни 5 граммли қуйма илк бор 8,8 миллион сўмга кўтарилиб, рекорд ўрнатганди. Бунда ҳам нархлар барча тоифадаги қуймалар бўйича ўсганди.
