Қорақалпоғистон Республикаси ва Хоразм вилоятида кучли шамол сабаб дарахтлар қулаб тушди ва уйлар томи учиб кетди. Бу ҳақда “Ҳудудий электр тармоқлари” хабар қилди.
Хоразм вилояти ҳудудида кузатилган кучли шамол оқибатида баъзи жойларда дарахтларнинг қулаши, электр узатиш ҳаво линияларининг узилиши ҳамда айрим хонадонларнинг томига зарар етиши ҳолатлари қайд этилган.
Шунингдек, кучли шамол Қорақалпоғистон Республикасида ҳам уйларнинг томини учириб юборган. Дарахтлар қулаб, электр тармоқларида носозликлар вужудга келган.
Вазият мутасадди ташкилотлар томонидан тўлиқ назоратга олинган. Иккала ҳудуддаги барча носозликларни бартараф этиш ва истеъмолчиларнинг электр таъминотини қайта тиклаш чоралари кўрилган.
“Келтирилган ноқулайлик учун истеъмолчилардан узр сўраймиз”, дейилади хабарда.
