БМТ Суриянинг амалдаги президенти Аҳмад аш-Шаръа ва ички ишлар вазири Анас Ҳаттобни санкциялар рўйхатидан чиқариб ташлади. Хавфсизлик кенгаши тегишли резолюцияни қабул қилди. Бу ҳақда БМТ сайтида эълон қилинди.
Хавфсизлик Кенгашининг 15 аъзосидан 14 таси, жумладан, Россия резолюцияни ёқлаб овоз берди, фақат Хитой бетараф қолди. Резолюция матнида “Сурия Араб Республикасининг суверенитети, мустақиллиги, ҳудудий яхлитлиги ва миллий бирлигини тўлиқ ҳурмат қилишга содиқлик” тасдиқланган.
Хавфсизлик кенгаши аъзолари “Суриянинг узоқ муддатли тикланишига, барқарорлигига ва иқтисодий ривожланишига кўмаклашиш ниятида экан ини” билдирган.
“Бу ҳаракатлар ИШИД ва “Ал-Қоида”га нисбатан жорий этилган санкциялар режимининг яхлитлиги ва самарадорлигига таъсир кўрсатмаслиги керак”, дейилади ҳужжатда.
Маълумот ўрнида, 2024 йил декабрь ойида қуролли мухолифат Дамашққа киргач, президент Башар Асад оиласи билан Россиядан бошпана олди. Суриянинг вақтинчалик президенти этиб “Ҳаёт Таҳрир аш-Шом” (ҲТШ) раҳбари Аҳмад аш-Шара’ тайинланди.
ҲТШ аввал “Нусра фронти” номи билан танилган, 2016-йилгача “Ал-Қоида”нинг Суриядаги расмий қаноти ҳисобланган. 2014-йилдан бери гуруҳ БМТнинг “Ал-Қоида” ва ИШИД рўйхатларида мавжуд эди. ҲТШ раҳбарларидан айримлари, жумладан Аш-Шараъа ва Ҳаттоб, саёҳат тақиқи, активларни музлатиш ва қурол эмбаргоси каби санкциялар остида бўлган.
БМТнинг махсус қўмитаси 2025 йил давомида Аш-Шараъага бир неча бор сафар қилишга рухсат берган. 10 ноябрь куни Аҳмад Аш-Шараъа Оқ уйда Дональд Трамп билан учрашади.
