Жорий йилнинг март ойи охирида Қозоғистоннинг Ақтобе вилоятида 36 ёшли эркак лейтенант қайноғаси томонидан отиб ташланди. Бу ҳақда КТК хабар берди.
Қайд этилишича, гумондор Хромтоғда ишловчи участка инспектори ёрдамчиси эканини тасдиқлаган. Дастлабки маълумотларга кўра, у хизмат қуролидан фойдаланиб, 36 ёшли куёвига қарата бир неча бор ўқ узган. Ҳодисадан сўнг катта лейтенант қўлга олинган.
Эътиборли томони шундаки, жабрланувчининг ўзи турмуш ўртоғининг акасига нисбатан ҳеч қандай даъвоси йўқлигини билдирган ва шикоят қилмаслигини айтган.
Қуролли можаронинг аниқ сабаби ҳозирча очиқланмаган. Жароҳатлари сабабли эркак ҳозирча юра олмайди. Реанимациядан чиққан жабрланувчи ўзини яхши ҳис қилаётганини, муолажаларни давом эттираётганини айтган. Қайноғаси ундан кечирим сўраган ва у уни кечирган.
Шифохона раҳбарининг маълум қилишича, отишма оқибатида эркак бир нечта оғир жароҳатлар олган. Унинг тос суяклари, билак ва иккала ўпкаси ўқдан зарарланган. Ҳозирча унинг аҳволи ўртача ҳолатда экани таъкидланган.
