ошкент шаҳри Миробод туманида 25 февраль куни ҳайдовчи BMW М4 автомобилида ЙПХ инспекторини уриб кетганди. Бош прокуратура ҳолат юзасидан жиноят иши очилганини маълум қилди.
Қайд этилишича, вояга етмаган шахсга нисбатан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Тергов ҳаракатлари бошланган.
Ходим тан жароҳатлари билан шифохонага ётқизилгани маълум қилинганди. Мазкур ҳолат юзасидан прокуратура томонидан терговга қадар текширув ҳаракатлари ўтказилган. Текширув якунларига кўра, қонуний қарор қабул қилиниши таъминланиши билдирилган.
Аввалроқ ижтимоий тармоқларда ҳодисадан сўнг ЙПХ инспектори вафот этгани ҳақида хабарлар тарқалганди. ИИВ Жамоат хавфсизлиги департаменти Ахборот хизмати раҳбари Музифа Султонова ушбу хабарлар ҳақиқатга тўғри келмаслигини маълум қилган.
