Самарқанд вилояти Ургут туманида фаолият юритувчи адвокат 15 минг доллар миқдорида пора олаётганида қўлга тушди Бу ҳақда Давлат хавфсизлик хизмати хабар берди.
Мазкур адвокат мансабдор танишлари орқали Жиззах вилоятидаги манзил колонияда озодликдан маҳрум қилиш жазосини ўтаётган маҳкумнинг жазо муддатини қисқартириб бериш эвазига унинг танишидан 15 минг доллаэ талаб қилган ва пулни олаётганида ушланган.
Самарқанд вилоятининг Қўшработ туманида фаолият юритувчи адвокат эса жиноят ишлари бўйича мазкур туман судида кўрилаётган жиноят иши бўйича ҳимоячи сифатида қатнашиб, мансабдор танишлари орқали судланувчига енгилроқ жазо тайинланишида ёрдам беришини айтиб, унинг ўғлидан 2 минг доллар талаб қилган.
ДХХ ва Прокуратура органлари ходимлари ҳамкорлигида ўтказилган тезкор тадбирда адвокат сўралган пул маблағини олган вақтида ушланган. Ҳозирда адвокатларга нисбатан жиноят ишлари қўзғатилиб, тергов ҳаракатлари олиб борилмоқда.
