Кеча, 23 февраль куни Мисрда Гиза шаҳри яқинидаги қадимий Унас пирамидаси деворига расм чизган гид қўлга олинди. Бу ҳақда “Egypt Today” хабар берди.
Маълум бўлишича, гид сайёҳларга маълум нарсаларни тушунтириш жараёнида 3000 йиллик тарихга эга ёдгорлик юзасига ҳар хил белгилар чизган. Мазкур воқеа аск этган видеолар ижтимоий тармоқларда тарқалгандан сўнг Саққара туристик полиция бўлимига маҳаллий қадимий буюмлар инспекторидан хабар келиб тушган.
Хабарга кўра, кейинчалик масъул органлар томонидан чизилган белгилар зудлик билан олиб ташланган.
Ҳозирда айбланувчи қўлга олинган бўлиб, у тергов жараёнида айбини тан олган. Ҳолат бўйича суд жараёнлари бошланган.
Мисрнинг 1983 йилдаги “Қадимги ёдгорликлар тўғрисида”ги қонунининг 45-моддасига кўра, қадимий ёдгорликларга ёзув ёки расм туширган шахс камида бир йилга озодликдан маҳрум қилиниши ва 500 минг Миср фунтигача жаримага тортилиши мумкин.
