Сурхондарё вилоятининг Сариосиё туманида 13 ёшли қиз “Тўпаланг” дарёсида оқиб кетди. Бу ҳақда вилоят прокуратураси хабар берди.
Маълум қилинишича, туманнинг “Афросиёб” маҳалласида яшаган 13 ёшли Ф.М.нинг “Тўпаланг” дарёсига оқиб кетгани юзасидан терговга қадар текширув ҳаракатлари ўтказилмоқда.
Текшириш давомида жорий йилнинг 15 май куни вояга етмаган Ф.М.нинг мурдаси Денов тумани “Иттифоқ” маҳалласида оқиб ўтувчи Тўпаланг дарёси ичидан тан жароҳатларисиз топилган.
Суд тиббий экспертиза хулосасида марҳуманинг ўлимига юқори нафас йўлларининг сув билан беркилиши, механик асфиксия оқибатида вафот этгани кўрсатилган.
Ҳозирда туман прокуратураси томонидан терговга қадар текширув ҳаракатлари олиб борилмоқда.
