Дўкон 9 қаватли бинонинг 1-қаватида жойлашган бўлган.
Бугун, 25 октябрь куни Тошкент шаҳрининг Чилонзор туманида жойлашган кийим дўконларидан бирида ёнғин юз берди. Бу ҳақида шаҳар Фавқулодда вазиятлар бошқармаси хабар қилди.
Қайд этилишича, соат 15:24 да Чилонзор тумани Қизил Шарқ даҳасида жойлашган Кийим дўконида ёнғин содир бўлгани тўғрисида Тошкент шаҳар ФВБга хабар қилинган.
Шунга кўра ёнғин-қутқарув экипажи соат 15:26 да воқеа жойига етиб бориб, ёнғин соат 15:37 да ўчирилган.
Аниқланишича, айтилган манзилда 9 қаватли бинонинг биринчи қаватида жойлашган кийим дўкони 10 квадрат метр майдонда ёниб зарарланган. Ёнғин оқибатида тан жароҳати олганлар йўқ.
