More stories
Бугун, 31 январь куни Тошкент шаҳрининг Яшнобод туманидаги Aviator “Korzinka” биносида ёнғин содир бўлди. Бу ҳақда Фавқулодда вазиятлар бош бошқармаси хабар берди.
Маълум қилинишича, соат 15:47 да Паркент кўчасида жойлашган Aviator “Korzinka” биноси ёнаётгани тўғрисида Тошкент шаҳар ФВББга хабар келиб тушган.
Шунга кўра, қутқарув экипажлари соат 15:53 да воқеа жойига етиб бориб, ҳозирда бинодан барча фуқаролар эвакуация қилинган ва ёнғин ўчириш ишлари олиб борилмоқда.
Вазият Тошкент шаҳар ФВББ томонидан тўлиқ назоратга олинган.
Ёнғин оқибатида тан жароҳати олганлар тўғрисида хабар келиб тушмаган.
