Эстония парламенти конституция ҳуқуқи бўйича мутахассис Юлле Мадизени мамлакатнинг янги президенти этиб сайлади. У бу лавозимни эгаллаган иккинчи аёл бўлди. Бу ҳақда “Reuters” хабар берди.
Қайд этилишича, 51 ёшли Юлле Мадизе 2015 йилдан буён Эстониянинг инсон ҳуқуқлари бўйича омбудсмани лавозимида ишлаб келган. Мадизе президентлик сайловида ягона номзод бўлган. Бошқа номзод парламентда рўйхатдан ўтиш учун етарлича қўллаб-қувватлов тўплай олмаган.
Юлле Мадизе президентлик лавозимида иккинчи муддатга номзодини қўймаган Алар Кариснинг ўрнини эгаллайди.
Маълумот учун, Эстония 1,4 миллион аҳолига эга бўлган ва Россия билан чегарадош Болтиқбўйи давлати ҳисобланади. Мамлакат НАТО ва Европа Иттифоқида Украинанинг энг фаол тарафдорларидан бири ҳамда Москва сиёсати танқидчиларидан саналади.
Мамлакат бу йил мудофаа харажатлари учун ялпи ички маҳсулотининг 5,4 фоизини ажратишни режалаштирган. Эстонияда президент мамлакат парламенти – Рийгикогу томонидан сайланади.
