Бугун, 12 февраль куни ОФК қароргоҳи Куала-Лумпур шаҳрида 2026 йилги U-17 Осиё кубогига қуръа ташлаш маросими бўлиб ўтди. Унда Ўзбекистон “Д” гуруҳидан ўрин олди.
Қуръа натижаларига кўра, Ўзбекистон ўсмирлар терма жамоаси “Д” гуруҳида Австралия, Ҳиндистон, КХДР билан бир гуруҳдан жой олди.
Ўзбекистон U-17 терма жамоаси Осиё кубогидаги иштирокини КХДРга қарши учрашув билан бошлайди. Мусобақа 2026 йилнинг 7-24 май кунлари Саудия Арабистонида бўлиб ўтади.
Маълумот учун, Ўзбекистон U-17 терма жамоаси ушбу ёш тоифасидаги Осиё кубогининг амалдаги ғолиби ҳисобланади. Ислом Исмоилов бошчилигидаги терма жамоа 2025 йилги турнир финалида Саудия Арабистони ўсмирларини 2 та кам бўлган ҳолда мағлубиятга учратиб, мусобақа бош совринини қўлга киритган эди.
