Профессионал бокснинг супер оғир вазн тоифасида собиқ жаҳон чемпиони бўлган британиялик боксчи Тайсон Фьюри (34–2–1, 24 нокаут) 2026 йилда рингга қайтишини маълум қилди.
“2026 йил қайтиш йили бўлади. Маълум вақт рингдан узоқда бўлдим, бироқ қайтяпман. 37 ёшдаман ва ҳануз сафдаман. Одамнинг юзига зарба бериб, бунинг учун пул олишдан яхшироқ нарса йўқ”, деб ёзди Фьюри ижтимоий тармоқлардаги саҳифасида.
Эслатиб ўтамиз, Тайсон Фьюри 2025 йил бошида фаолиятини якунлаганини эълон қилганди. Унинг сўнгги жанги 2024 йил декабрь ойида бўлиб ўтган бўлиб, британиялик боксчи мутлақ жаҳон чемпионлиги учун кечган баҳсда украиналик Александр Усик билан реванш жангида ҳакамларнинг якдил қарори билан мағлуб бўлган эди.
Аввалроқ, профессионал бокснинг супер оғир вазн тоифасида собиқ мутлақ жаҳон чемпиони, WBA, WBC ва IBF камарлари соҳиби Олександр Усик WBC чемпионлик камарини ихтиёрий равишда ҳимоя қилиш бўйича расмий ариза топширгани ва Жаҳон бокс кенгаши (WBC) мазкур жангга рухсат бергани хабар қилинган эди. Усик Фьюри билан эмас, балки 40 ёшли собиқ чемпион Деонтей Уайлдерга қарши жанг ўтказиш ниятида эканини маълум қилган.
