АҚШ президенти Дональд Трамп Венесуэла президенти қўлга олиниши ҳақида гапирар экан, бошқа давлатлар ҳам Америка аралашувига дучор бўлиши мумкинлигини айтди. Бу ҳақда Reuters хабар қилди.
Қайд этилишича, Қўшма Штатлар президенти Дания таркибига кирувчи Гренландия устидан ҳам назорат кераклигини таъкидлаган. У бошқа мамлакатлар ҳам бундай аралашувга учраши мумкинлигини гапирган.
Трамп шанба куни АҚШ кучлари Венесуэла етакчиси Николас Мадуро ва унинг рафиқаси қўлга олганидан кейин ушбу давлат вице-президенти Делси Родригесга у тўғри иш тутмаса, эҳтимол, Мадуродан ҳам каттароқ “бадал” тўлаши мумкинлигини билдирган.
Трамп Мадурони куч билан қўлга олиш ҳақидаги қарорини ҳимоя қилиб, шундай деган: “Биласизми, бу — қайта қуриш ёки режимни ўзгартиришми — нима дейишни хоҳласангиз шундай, бундан баттари бўлмайди”.
Венесуэла президенти АҚШ Гиёҳвандликка қарши кураш бошқармасининг Нью Йоркдаги штаб-квартирасига олиб келинган. У жиддий айбловлар, жумладан, наркотеррорчиликда айбланмоқда.
