АҚШ Президенти Дональд Трамп ўз лавозимига киришганидан бери хорижликларнинг 100 мингдан ортиқ визаси бекор қилинди. Бу ҳақда АҚШ Давлат департаменти берган маълумотларга таяниб, “Newsweek” хабар берди.
Давлат департаментининг маълум қилишича, бекор қилинган визаларнинг 8 мингтаси талабаларга, 2500 таси эса жиноят содир этишда айбланган хорижлик шахсларга тегишли.
“Биз ушбу жиноятчиларни депортация қилишни давом эттирамиз, шунда Американи хавфсизлигини таъминлай оламиз”, дейилади хабарда.
Бу кўрсаткич сўнгги йиллардаги энг юқори натижа (рекорд) ҳисобланади. Ушбу рақам АҚШ собиқ президенти Жо Байден даврида 2024 йилда бекор қилинган визалардан (40 минг виза) икки баробар кўп.
Давлат департаментининг матбуот котиби ўринбосари Томми Пиготтнинг айтишича, бекор қилишнинг асосий тўрт сабаби қуйидагилар: мамлакатда рухсатсиз узоқ қолиш, маст ҳолатда автомобиль бошқариш, ҳужум ва ўғрилик.
Трамп маъмуриятининг эслатишича, талаба визаси эгалари ва қонуний доимий резидентлар Фаластин қўллаб-қувватлагани ва Исроилнинг Ғазо урушидаги ҳаракатларини танқид қилгани сабабли депортация қилиниши мумкин.
Уларнинг ҳаракатлари АҚШ ташқи сиёсатига таҳдид сифатида кўрилмоқда.
Трампнинг Оқ уйга қайтганидан сўнг, қабул қилинган иммиграция қонунчилиги бўйича қаттиқ чоралари ҳақиқий визага эга бўлган кўплаб муҳожирлар ҳам депортация қилинишига олиб келди. Трамп маъмурияти шунингдек, визалар бериш сиёсатини янада қатъийлаштирди, ижтимоий тармоқлар орқали текширувни кучайтирди ва танлов жараёнини кенгайтирди.
Давлат департаменти хориждаги АҚШ дипломатик ваколатхоналарига ҳар қандай мурожаатчиларни диққат билан кузатишни буюрган.
