Андижонда 680 минг сўмлик қарздорликни 34 млн сўм деб кўрсатган электромонтёр ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департамент хабар берди.
Маълум қилинишича, Департаментнинг Андижон вилояти бошқармаси ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда Қўрғонтепа тумани “Сўфи қишлоқ” — подстанция навбатчи электромонтёри Ф.Х. фуқаро Ф.Д.нинг Жалақудуқ тумани, “Намуна” МФЙ ҳудудидаги хонадонида электр энергиясидан 680 минг сўмлик қарздорлигини 34 млн сўм деб ёлғон кўрсатиб, 17 млн сўм берса ушбу қарздорликни йўқ қилиб беришини ваъда қилиб, 17 млн сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
