АҚШ Президенти Дональд Трамп Теҳрон билан Ҳормуз бўғозини кемалар қатнови учун очиш бўйича музокаралар ўтказиш мақсадида мамлакат қуролли кучларига Эроннинг энергетика объектларига бериладиган зарбаларни беш кунга кечиктиришни буюрди. Бу ҳақда Оқ уй раҳбари ўзининг Truth Social ижтимоий тармоғида маълум қилди.
Билдирилишича, АҚШ ва Эрон сўнгги икки кун ичида “Яқин Шарқдаги ҳарбий ҳаракатларни тўлиқ ва ҳар томонлама ҳал этиш” бўйича “жуда яхши ва самарали музокаралар” ўтказган.
“Ҳафта давомида давом этадиган ушбу чуқур, батафсил ва конструктив музокараларнинг характери ва оҳангидан келиб чиқиб, мен Мудофаа вазирлигига Эрон электр станциялари ва энергетика инфратузилмасига бериладиган ҳар қандай ҳарбий зарбаларни беш кунга кечиктиришни буюрдим”, деб ёзди у.
