Бугун, 23 декабрь куни Қаршининг “Насаф” жамоаси ОФК Элит Чемпионлар лигаси 6-тур доирасида Саудия Арабистонининг “Ал Иттиҳад” жамоаси майдонига сафар қилади. Ушбу учрашув “Подшоҳ Абдулла” стадионида Тошкент вақти билан 23:15 да бошланади.
“Ал Иттиҳод” жамоасини жуда яхши биламиз. Улар таркибида юлдуз футболчилар жамланган, кучли жамоа. Бу учрашув биз учун осон бўлмаслигини яхши тушунамиз. Бизда футбол мавсуми аллақачон якунланган. Ушбу ўйинга 10 кун давомида тайёргарлик кўрдик. Футболчиларимизнинг кайфияти яхши ва беллашувга тайёрмиз.
Бу мусобақасида фақат энг кучли жамоалар иштирок этади. Бироқ битта ўйинда ҳар қандай жамоа яхши тайёргарлик эвазига ижобий натижага эришиши мумкин. Биз эртага тартибли ҳаракат қилиб, яхши натижа қайд этишга ҳаракат қиламиз. Бу осон бўлмайди, аммо ўз футболимизни намойиш этишга интиламиз.”, дейди жамоа мураббийи Рўзиқул Бердиев ўйин олди матбуот анжуманида.
Маълумот учун, “Насаф” ОФК Элит Чемпионлар лигасининг ортда қолган барча учрашувларида мағлубиятга учраган ҳолда турнир жадвалида энг охирги поғонада бормоқда.
