“Уйда ёлғиз” (Home Alone) фильмининг 35 йиллиги муносабати билан Disney+ компанияси АҚШнинг Лос-Анжелес шаҳрида кино тарихидаги энг машҳур уйлардан бирининг улкан “gingerbread”, яъни ширин хамирдан тайёрланган нусхасини барпо этди. Ушбу лойиҳа орқали жаҳон рекорди қайд этилди.
Мазкур уй тўлиқ “gingerbread”дан ясалиб, муз билан қопланган мазкур иншоотнинг баландлиги 8 метр, узунлиги эса 18 метрни ташкил этади. У расман Гиннеснинг рекордлар китобига тарихдаги энг катта “gingerbread” уй сифатида киритилди.
Disney+’нинг бренд стратегияси ва маркетинг бўйича вице-президенти Зак Жером мазкур лойиҳа юзасидан мамнунлигини билдирди.
“Disney+ бутун дунё бўйлаб, жумладан, менинг оилам учун ҳам байрам мавсумининг ажралмас қисмига айланган фильмни шу тарзда нишонлаётганидан мамнун”, деди у.
Маълумотларга кўра, уйни қуриш жараёнида 2,59 тонна ун, 4 200 дан ортиқ тухум, 4 400 дона “gingerbread” ғиштлари, 800 та том ёпиш плиткалари, 75 литрдан ортиқ ейиладиган елим ҳамда қарийб 9 килограмм фондант (шакар ва желатин аралашмаси) ишлатилган.
Шунингдек, ташриф буюрувчиларга “Уйда ёлғиз” фильмида тилга олинган Принс Ст. Пиззанинг машҳур “А Lovely Cheese Pizza” таомини татиб кўриш имконияти ҳам яратилган.
