Украинанинг урушни тугатиш бўйича тинчлик музокараларидаги устувор вазифалари суверенитетни сақлаб қолиш ва кучли хавфсизлик кафолатларини таъминлаш ҳисобланади. Бу ҳақда Украина президенти Владимир Зеленскийга таяниб, BBC хабар берди.
Сиёсатчининг сўзларига кўра, музокараларда “ҳудудий масала энг қийини”, ҳисобланади. Чунки Россия Украинага шарқий Донбасснинг ҳали ҳам эгаллаб турган ҳудудларидан воз кечишни талаб қилмоқда. Киев ҳеч қачон бунга рози бўлмаслигини билдирган.
Очиғини айтганда, ҳудудий масала — энг мураккаб масала. Тикланиш учун маблағ масаласи, менинг фикримча, европалик ҳамкорларнинг иштирокисиз осон эмас, чунки пул Европада, деган Зеленский.
Украина раҳбари 1 декабрь куни рафиқаси билан бирга Парижга ташриф буюрди. У билан учрашган президент Эммануэл Макрон ҳудудий масалага қуйидагича муносабат билдирди:
Ҳудудлар ҳақида гапира оладиган ягона томон — Украина. Чунки бу халқаро ҳуқуқ билан тан олинган, суверен ўз ҳудудлари ҳақида. Хавфсизлик кафолатлари ҳақида гап кетганда, украиналиклар, яъни ушбу ҳудудларнинг эгаларисиз, бу масалани муҳокама қилиш ёки музокара ўтказиш мумкин эмас, деган у.
