Қашқадарё вилоятида ўзини прокуратура ходими деб таништирган захирадаги кичик сержант қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Қайд этилишича, Бош прокуратура, департаментнинг Шахсий хавфсизлик бошқармаси ва департаментнинг Қашқадарё вилояти бошқармаси ходимлари ҳамкорлигида ўтказилган тезкор тадбирда захирадаги кичик сержант У.К. фуқаро А.О. га ўзини гўёки Қашқадарё вилояти прокуратураси ходими деб таништирган. Шундан сўнг унинг укаси Л.О. ни 3 000 АҚШ доллари эвазига Мудофаа вазирлигининг юқори лавозимларида ишловчи танишлари орқали Мудофаа вазирлиги тизимига ишга киритиб қўйишини айтган. У келишилган пулдан 1 500 АҚШ долларини олган вақтида ашёвий далиллар билан ушланган.
Билдирилишича, мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
