Ижтимоий тармоқларда бугун, 29 ноябрь куни эрта тонгда Фарғона вилоятининг Бувайда туманида қуйиқ туман тушиши туфайли бир нечта автомобиллар ўртасида аянчли авария содир бўлгани, қурбонлар ҳам борлиги ҳақида хабарлар тарқалди. Мазкур ҳолат юзасидан вилоят ИИБ ЖХХ Йўл ҳаракати хавфсизлиги бошқармаси муносабат билдирди.
Маълум қилинишича, вилоятнинг Ёзёвон, Олтиариқ, Учкўприк, Бувайда ва Данғара тумани ҳудудларидан ўтган халқаро аҳамиятга эга А373 Тошкент-Ўш автомобиль йўлида қалин туман тушиб, кўриш масофаси қисқарган. Шу сабабдан бугун, 29 ноябрь куни бир-нечта йўл-транспорт ҳодисаси содир бўлган.
“Юз берган ЙТҲ оқибатида транспорт воситалари шикастланган, тан-жароҳати олган фуқароларга биринчи тиббий ёрдам кўрсатилган ва шифохонага юборилган”, дейилади хабарда.
