Ўзбекистон Марказий банки биринчи марта олтин қуймаларини қайтариб сотиб олиш нархларини эълон қилди.
2026 йил 5 январь куни олтин қуймалар нархи қуйидагича белгиланди:
- 5 грамм — 8 млн 735 минг сўм;
- 10 грамм — 17 млн 469 минг сўм;
- 20 грамм — 34 млн 939 минг сўм;
- 50 грамм — 87 млн 347 минг сўм;
- 100 грамм — 174 млн 694 минг сўм.
Уни қайтариб олиш нархлари эса қадоғи бутлиги ёки бузилганига (техник талабларга мос келмайдиган ҳолатда бўлганига) кўра фарқланади.
Олтин қуймалар — оғирлиги 5, 10, 20, 50, 100 грамм бўлган, 999,9 софликдаги олтиндан тайёрланган қуймалар. Махсус ҳимоя қадоқларида сотув учун тақдим этилади. Олтин қуймаларнинг қадоғи сертификат вазифасини бажаради ва ўз серия рақамига эга бўлади.
Олтин қуймалари тижорат банклардан сотилади. Уларнинг манзиллари Марказий банк сайтида кўрсатилган. Қуймаларни бемалол уйда ёки банкда — индивидуал банк ячейкаларини ижарага олган ҳолда сақлаш мумкин. Уларнинг нархи бир ҳафта ичида бир неча марта ўзгариши мумкин. Олтин қуймаларини фақат банкларга сотиш мумкин.
