Миллий статистика қўмитаси Ўзбекистонга 9 ойда қанча ва қайси давлатлардан телефон етказиб берилганини маълум қилди.
Қайд этилишича, 2025 йилнинг январь сентябрь ойларида хориждан қиймати 370,8 миллион долларга тенг бўлган 3,2 миллион дона мобил телефон импорт қилинган. Бу кўрсаткич ўтган йилнинг мос даврига нисбатан 219,9 минг донага ёки 7,4 фоизга юқоридир.
Бунда энг кўп шундай мобил қурилмани, яъни 2 488 985 дона телефонни Хитой етказиб берган ундан кейинги ўринларда 619 249 дона уяли алоқа воситаси билан Вьетнам ва 65 332 дона телефон сотган Бирлашган Араб Амирликлари турибди.
Шу билан бирга, Ҳиндистондан 31 858 дона, Кореядан4 862 дона ва бошқа давлатлардан 2 246 дона қўл телефони келтирилган.
Жорий йил ярмида телефон импорти бир йил аввалгидан 273 мингтага қисқаргани хабар қилинганди Бунда қиймати 194,4 млн долларлик қурилма харид қилинган.
