Кеча, 30 ноябрь куни “Интер Майами” ҳужумчиси Лионель Месси MLS Кубоги ярим финалида “Нью-Йорк Сити”га қарши ўйинда тарихий натижага эришди. Аргентиналик футболчи ушбу учрашувда 405‑ассистни амалга ошириб, рекордни янгилади. Бу ҳақда клуб матбуот хизмати хабар берди.
Учрашувда “Интер Майами” 5:1 ҳисобида ғалаба қозониб, MLS Кубоги финалига йўл олди. 67-дақиқада Месси мезбонларнинг учинчи голига муаллифлик қилган 19 ёшли Матео Сильветтига аниқ узатма берди. Шу голли узатма Мессининг фаолиятидаги 405-ассист бўлиб, у Пушкашнинг (404) рекордини янгилади.
Месси фаолиятининг асосий қисмини Каталониянинг “Барселона” жамоасида ўтказган. У 2003–2021 йилларда клуб сафида 835 ўйинда 709 гол урган. Шу даврда у тўрт марта Чемпионлар Лигаси ғолиби бўлган. 2022 йилда Аргентина терма жамоаси билан жаҳон чемпионлигини ва 2021 ва 2024 йилларда икки марта Америка Кубогини ютган.
Эндиликда “Интер Майами” MLS Кубоги финалида “Ванкувер Уайткэпс” билан тўқнашади. Учрашув 6 декабрь куни бўлиб ўтади.
