Тошкент вилояти ва шаҳрида гиёҳвандлик воситалари билан боғлиқ ҳолатлар аниқланди. Бу ҳақда Тошкент вилояти ИИББ матбуот хизмати хабар қилди.
Қайд этилишича, Ўрта Чирчиқ туманида яшовчи 1975-йилда туғилган фуқаро А.Р. яшаш хонадонининг молхонаси томида гугурт қути, шиша идиш ва полиэтилен қопларга жойланган 5 килограмм марихуана гиёҳвандлик воситаси сақлаб келингани аниқланиб, қўлга олинган.
Шу билан бирга, ушбу тақиқланган воситаларни истеъмол қилишга мўлжалланган махсус ясалган буюмлар ҳам далилий ашё сифатида ҳужжатлаштирилган.
Ушбу ҳолат юзасидан ушланган шахсга нисбатан Жиноят кодексининг тегишли моддасига асосан иш очилган.
Бошқа бир ҳолатда эса Тошкент шаҳри Олмазор туманида ўтказилган тезкор тадбирда кузатувга олинган
Cobalt русумли автомашина тўхтатилиб, текширилганида, унда 200 грамм гашиш борлиги маълум бўлган.
Ушбу ҳолатда аниқланган моддани граммини 150 минг сўмдан сотиб олмоқчи бўлган фуқаро ҳам қўлга тушган. Ҳозирда ҳолат юзасидан терговга қадар текширув ҳаракатлари олиб борилмоқда.
